Partenopé ’92

Vergin’ svirginata,
passata e repassata,
stracciata, spurcata,
‘nsuzzuta e ‘nzvata,
vutata e arruvutata,
‘gnaccata, cacata,
smerdiata, slabbrata,
afferrata e spertusata
…pe’ tutte li late

passata e repassata
da ‘na man’ a ‘n’ata,
spaccata e attaccata
‘na vota e ‘n’ata vota

e gira e gira rota,
va truvanno mo chi e’ stato
c’a cugliuto bbuon’ o tiro,
chillu fatte e’ nir’ niro
nir’ niro comm’a cche

e allisciame ‘stu bebe’,
piglialo mmocca
e piglialo ‘nganno,
crisce sta canna
e nfizzala ‘nculo
ca po vene ‘a pule
e se fa ‘nu giro pur’essa

e arape ‘sta fessa
ca s’arrap’ ‘stu cazzo,
e ‘a capa do pazzo
va truva’ mo’ che fa

pesce fritto e baccala’,
chiagne e ride Michelemma’
mentre l’onna vene e va’,
ride, ride e rid’ je pure
ca me fotte d’a paura
ca dimane ‘stu mare
cu li pisce s’arretire

e ‘o ciel’ se fa scuro
e se fa triste l’aria,

‘nserrat’, fenestrella
‘e Marechiaro,
ca Nanninella e’ morta
e moro je pure!

chiagne ‘o pate d’e criature
e ‘na vergine sverginata
mo che ‘o mare l’ha lassata,
chiagne ‘a figlia
e chiagne ‘o frate,
chiagnene ‘e mamme
e chiagnene ‘e pate,
mentre ‘o mare s’arretire
e se fa scura l’aria
e se fa triste ‘o cielo

ma sott’a luna
e Marechiaro
e lacreme regnene
‘natu mare
e affonnano ‘e piscature
int’a chest’acqua sporca,
‘mmiezz’a chest’aria scura.

‘Ncopp’a ‘na barca sulitaria
puorteme vient’ luntane,
luntane ‘a Napule, luntane a te.

Vesuvio, l’Etna chiama, rispondi forte
da Palermo a Milano diffondi morte
‘ncopp’a chest’aria scura,
‘ncopp’a chest’acqua sporca,
ca si ‘o scarpone affonna,
a te, che te ne ‘mporta?

(Napoli, Aprile 1992)

disegno di Gaetano aitan Vergara (c)(c) 2003

 

 

Annunci