Tag

Seh, seh…
‘amma ‘ncuminciato bbuono
‘stu duimila e diciotte
Tra chi spare botte
primma, doppo
e ammiezzo
‘a mezzanotte
Chi s’allamente e fotte
Chi se spara pose
‘mmiezza ‘a via
E chi spera juorne e notte
ca furnesce chest’appecundria

‘Amma accuminciato
propeto bbuono
chistu juorne e chesta notte
Tra chi ‘a fernute n’ata votta
Chi se spara ‘na pera
c’a rrobba ca s’ccattaje
ajere ‘e sera
E chi aspetta
ammore ‘o vero
mentre ‘o suonno
sta piglianno pere
e ‘a notte se fa
sempre cchiu scure e nera

‘Amma accuminciato
bbuono
chistu sfaccimme
‘e duimila e diciotto
Senza cchiu na goccia ‘e vine
abbascia ‘a ‘rotta
‘A capa ‘ntrunata
da ‘sti maronne ‘e botte
E troppa gente ca spare
sule cazzate
comme faceva già
l’anno passate.

Annunci